Во вторникот, 9.8.2016 со почеток во 20:00 ч., во арт кафето Концепт 37 се одржа хуманитарна изложба во која учествуваа доброволно повеќе од 80 уметници (сликари, графичари, цртачи, писатели, дизајнери на накит и мебел) од неколку македонски градови, со цел да се соберат барем дел од неопходните финансиски средства за помош на жртвите од поплавите.
При тоа вечерта беа собрани 178.425 денари или 2.925 евра, а веќе со вчерашниот ден сумата се зголеми за плус 53.000 денари.
Организаторите најавуваат дека делата ќе бидат изложени до понеделник и заинтересираните ќе можат да го посетат арт-кафето, да изберат дело и да донираат.
Свое учество зедоа Владимир Лукаш, кој воедно беше и иницијатор за хуманиот потег, потоа Атанас Ботев, Дороти Пачкова, Јана Јакимовска, Ивана Настески, Ана Миланова, Лилика Стрезоска, Биби Клечакоска, Ена Зафировска, Натали Ристовска, Ем Елефантски, Ана Петровска, Алма Идризи, Кристина Божурска, Александра Зиновски-Вилиќ, Викторија Попоска, Маја Кировска, Дафина Џепароска, Билјана Бинчев, Снежана Мелник, Жани Гелевска, Јана Ацевска, Руки Чуки, Нита Муча, Леа Варошанец, Маја Чанкуловска, Натали Николовска, Дијана Томиќ, Бапси Чулкин, Мелани Дигит, Симонида Филипова Китановска, Ненад Тонкин, Љубиша Камењаров, Ване Костуранов, Тони Димитров, Урош Вељковиќ, Глигор Кузмановски, Никола Пијанманов, Ѓорѓе Јовановиќ, Иван Шопов, Сашко Илов – Дете, Лидија Георгиева и др.
Како музичка поддршка на отворањето на настанот задолжени беа Шурбе и Тони Димитров.