Хрватска ќе остане верна на својата политика за поддршка на евроинтеграцијата на Босна и Херцеговина независно од предизвиците и манипулациите. Тоа, го рече новиот хрватски министер за надворешни работи Давор Иво Штир.
Изјавата дојде само три дена откако властите во Сараево уапсија 10 поранешни хрватски војници под обвинение за воени злосторства. Судот во Босна и Херцеговина им наложи “мерка притвор од еден месец” поради извршени воени злосторства над лица од српска националност во периодот 1992-1993 година.
“Многу добро сфаќаат дека ќе има предизвици и отпор против новата хрватска надворешна политика кон Босна и Херцеговина. Но, нашиот одговор на сите овие предизвици е јасен – ние ќе ја издржиме оваа политика. Ќе дејствуваме координирано и во самата Хрватска, како и со нашите сојузници за да ја постигнеме нашата цел “, рече уште Штир и појасни:” Ние ќе издржиме, бидејќи тоа е од стратешки интерес за Хрватска, ќе одговориме на сите предизвици, како еден целосен и одговорен член на ЕУ и НАТО “.
Давор Иво Штир истакна дека хрватската амбасада во Босна и Херцеговина е во постојан контакт со притворените и властите во Загреб обезбедуваат целата неопходна помош на своите сонародници, кои во моментов се уапсени. / Хина