Водиме 10:8 советници, имаме сигурна победа во втор круг, СДСМ има голем коалициски потенцијал, истакна денес на прес-конференција, кандидатот на владеачката партија за градоначалник во општина Куманово, Оливер Илиевски.
Тој упати благодарност до сите граѓани коишто гласаа, СДСМ и коалицијата уште еднаш покажа дека е победник на изборите во Куманово.
-Некој манипулираше со граѓаните, бидејќи ДИК презентираше други резултати со разлика од 20 гласа. СДСМ има коалициски капацитет на централно ниво сме во коалиција со ЛДП, ДОМ, ДУИ, БЕСА, ДПА. Граѓаните да не потпаѓаат на манипулации. Ги повикувам сите граѓани и сите политички партии да се приклучат на кампањата на СДСМ, не за Оливер Илиевски или Атина Мургашанска, туку за Куманово, истакна Илиевски и додаде:
-Во следните 12 дена граѓаните на Куманово ќе ја знаат вистината, бидејќи ние знаеме за сите калкукации на ВМРО и Максим Димитриески и истите ќе бидат објавени во наредниот период, информира Илиевски.
Во Куманово ќе има втор круг за избор на градоначалник во кој граѓаните ќе избираат меѓу Димитриевски и Илиевски.
Димитриевски е во блага предност со 32,79 отсто од гласовите на оние кои вчера излегоа на гласање, односно за него гласале вкупно 15.164 кумановци. За Илиевски гласале 32,74 отсто од граѓаните, односно добил 15.142 гласа.