Пратеникот Павле Трајанов од Демократскиот сојуз има иницијатива за отповикување на одлуката за распуштање на Парламентот, со две варијанти, од кои едната го содржи 5 јуни како датум за избори, а другата е без конкретен датум, како и предлог за измени на Изборниот законик.
– Подготвени се две варијанти на одлуки по кои може да расправа Парламентот, едната со нов можен датум за изборите. Одлуките заедно со барањето за одржување итна седница се подготвени од стручните служби и потпишани, така што сме во исчекување ако има некаква разврска тогаш ќе видиме која од одлуките ќе влезе во собраниска процедура. Засега никој не знае како ќе се развиваат работите. Се уште има време Парламентот да ја промени одлуката за самораспуштање и имаме време за евентуално усогласување на новиот датум за избори и измени на Изборниот законик, рече Трајанов/МИА