Иран го предупреди Трамп дека ќе активира терористички „скриени ќелии“ во САД

Иран го предупреди американскиот претседател Доналд Трамп дека ќе лансира терористички „скриени ќелии“ во САД доколку биде нападнат, во порака испратена еден ден пред американските напади, објави NBC News, повикувајќи се на разузнавачки извори.

Информацијата стигнала до Трамп преку посредник на самитот на Г7 во Канада минатата недела, кој американскиот претседател го напушти порано, изјавија двајца американски функционери и лице запознаено со заканата.

Американската администрација и безбедносните служби во големите градови се во состојба на висока готовност за каква било потенцијална одмазда од страна на Техеран во САД, според американската телевизиска станица.