Иранската војска во неделата претстави нов напаѓачки дрон дизајниран да лета кон целите и да експлодира, како оние што ги користеше Русија во војната во Украина.
Според државната новинска агенција „Тасним“, новото иранско беспилотно летало, чие име се уште не е објавено, е слично на рускиот дрон „Зала Лансет“, кој првпат беше произведен во 2020 година.
„Тасним“ во текстот објави видео од новиот дрон.
📹 جدیدترین پهپاد انتحاری سپاه
پهپاد انتحاری جدید سپاه ساختاری مشابه پهپاد «لنست» روسی دارد و در دسته مهمات پرسهزن جای میگیرد و کاربرد قابل توجهی در رزم زمینی و بخصوص عملیاتهای ضدکمین دارد#ایران_قویhttps://t.co/5CDrl2TimI pic.twitter.com/JZQucbPHJT
— خبرگزاری تسنیم 🇮🇷 (@Tasnimnews_Fa) April 28, 2024
Иран тврди дека постигнал голем напредок во производството на беспилотни летала во последните години, а руските сили во инвазијата на Украина интензивно користат беспилотни летала од иранско производство.
САД, Велика Британија и Канада во четвртокот воведоа нови санкции кон Техеран, насочени кон производството и извозот на беспилотни летала во земјата, по иранските воздушни напади врз Израел.
Иран ги осуди ваквите мерки.
„Тие санкции нема да влијаат на нашата волја, напротив… само ќе ја зајакнат волјата на нашата воена сила и независноста“, изјавил портпаролот на иранското Министерство за надворешни работи Насер Канани.
Канани тврди дека Иран има легитимно право да се вооружува во одбрана на земјата, исто како што е легитимно да се преземе воена акција против непријателска агресија како што е израелската.
Иранските напади врз Израел следеа по наводниот израелски воздушен напад врз комплексот на иранскиот конзулат во Дамаск, во кој загинаа, меѓу другите, високи членови на Корпусот на Исламската револуционерна гарда.