Муслиманските земји мора веднаш да прекинат со сите форми на трговска и економска соработка со Израел, изјави иранскиот верски лидер ајатолахот Али Хамнеи за време на говорот пред студентите.
„Безусловниот консензус на муслиманските земји мора да биде – да се запрат сите злосторства во Палестина извршени од Израел. Треба да се запре извозот на нафта и храна. Муслиманските земји мора да ги прекинат сите форми на трговска и економска соработка со Израел“, рече тој, пренесе агенцијата Тасним.
Минатата недела претседателот на Исламската Република, Ибрахим Раиси, го обвини Израел за „преминување на црвените линии“. Претходно политичарот истакна и дека Техеран нема да ги следи предупредувањата на САД за немешање во ситуацијата околу Појасот Газа. Сепак, тој ги отфрли обвинувањата дека Иран стои зад нападот на Хамас врз Израел, пренесува „Спутник“.