Рускиот претседател Владимир Путин сака да се сретнеме и јас би сакал да се сретнам што е можно поскоро, но прво треба да ја преземам функцијата лидер на САД, изјави новоизбраниот американски претседател Доналд Трамп во интервју за телевизијата „Newsmax“.
„Знам дека тој би сакал да се сретне со мене и се подготвувам за средба што е можно поскоро“, додал тој. „Би сакал да го направам тоа што е можно поскоро. Но, искрено, ми треба време да влезам во кабинетот“, рекол Трамп.
Покрај тоа, Трамп го критикувал актуелниот американски претседател Џозеф Бајден, велејќи дека надворешната политика на САД за време на мандатот на Бајден достигна најниска точка во целата историја на земјата.
„Се беше лошо. Надворешната политика на Бајден беше ужасна“, нагласил Трамп.
Тој уште еднаш повторил дека нема да има конфликт во Украина или на Блискиот Исток доколку тој бил на власт.
Трамп претходно изјави дека рускиот претседател изразил желба да се сретне со него и дека страните се подготвуваат за таа средба. Подоцна, портпаролот на Кремљ Дмитриј Песков потсети дека Путин е отворен за контакти со меѓународните лидери, вклучувајќи го и новоизбраниот американски лидер.
Кремљ вчера објави дека во моментов не се подготвува средба меѓу Путин и Трамп, но дека постои политичка волја, бидејќи таквите контакти се многу неопходни и наменски.
Претходно советникот на Трамп за национална безбедност Мајкл Волц изјави дека телефонскиот разговор меѓу Трамп и Путин би можел да се одржи во наредните денови или недели.
Трамп на 20 јануари ќе стане 47-ми претседател на САД.