Избегал од затвор, полицијата го фати

Синоќа во еден часот по полноќ во Гевгелија, полициски службеници од Полициската станица Гевгелија го лишиле од слобода М.С.(27) од Гевгелија.

За него била распишана потерница поради бегство од Казнено-поправната установа Затвор Гевгелија, а бил баран за доиздржување на затворска казна од осум месеци за сторени кривични дела „телесна повреда“ и „неизвршување на судска одлука“.

Лицето било спроведено во Затвор Гевгелија за доиздржување на казната.