544
Едно лице загина во пожар, кој утринава избувнал во станбена зграда скопската населба Хром. На терен интервенирале три противпожарни возила.
-Пожарот бил во разгорена фаза. Во опожарениот стан е пронајдено и едно починато лице, информираа од Територијалната противпожарна бригада на Град Скопје. Бил запален стан на четврти кат од зградата на улицата „Исаија Маџовски“.
Причините за смртта дополнително ќе се утврдуваат.
-Пожарот е изгаснат од Бригадата за противпожарна заштита, а во опожарениот стан пронајден е починат И.Ј. (35) од Скопје. Смртта ја констатирал лекар од Итна медицинска помош, велат од полицијата.
Нема други повредени лица.