Изгореа два стана во зграда во Штип

Два стана се опожарени во пожарот што изби попладнево во зграда на улица „Широк дол“ во Штип.

Пожарникарите со маски и боци со кислород ги извлекуваа станарите од зградите.

Според надлежните од Итната медицинска помош во пожарот полесно се повредени две лица, на кои медицинскиот тим им даде и кислородона поддршка.

Пожарот го гаселе 16 пожарникари, причините за пожарот не се познати.