Излета „порше“ од автопат, возачот заврши во болница

Полицијата информира дека на 10.03.2023 околу 20,10 часот на автопатот Куманово-Скопје во атар на с.Романовце, кумановско, се случила сообраќајна несреќа.

Според МВР, патничко моторно возило „порше“ со скопски регистарски ознаки, управувано од 42-годишниот скопјанец В.С., излетало надвор од коловозот.

По несреќата В.С. бил пренесен во Ургентен центар-Куманово, каде од лекар му е констатирана тешка телесна повреда.

Увид на местото на настанот извршила увидна екипа на СВР-Куманово.