Изнајмил возило од фирма, па не го вратил – штета од над 360.000 денари

Жител на село Врапчиште изнајмил возило од фирма, но по истекувањето на договорениот рок не го вратил назад, извести МВР.

Надворешната канцеларија за криминалистички работи Виница поднесе кривична пријава против Ј.Р. од село Врапчиште поради постоење основи на сомнение за кривично дело „затајување“.

-На 12.07.2022, пријавениот од правно лице од Виница изнајмил патничко возило „фолксваген“ во времетраење од 19 дена, а по истекот на договорениот рок не го вратил патничкото возило, со што му нанел штета на правното лице во износ од 361.500 денари, велат од полицијата.