Во текот на ноќта Израел извршил напади врз најмалку 50 цели во Појасот Газа, пишува „Тајмс оф Израел“, повикувајќи се на израелската телевизија Канал 12.
Цел биле набљудувачки пунктови, командни центри и ракетни фрлачи.
Израел изврши масовни воздушни напади врз Појасот Газа откако палестинската милитантна група Хамас изврши ракетен напад и последователна копнена инвазија на Израел на 7 октомври.
Канцеларија на ОН: Болниците во Појасот Газа имаат гориво за уште 24 часа
Канцеларијата на Обединетите нации за координација на хуманитарни прашања (OCHA) денеска предупреди дека очекува болниците ширум Појасот Газа да останат без гориво за 24 часа.
„Исклучувањето на резервните генератори би ги загрозило животите на илјадници пациенти кои се изложени на ризик“, објави OCHA на својата веб-страница.
OCHA додаде дека Израел делумно го обнови снабдувањето со вода во Кан Јунис, во областа на истокот на Газа.