Јанев: Иднината на Бугарија зависи од стабилен владин кабинет

од Nikola Popovski

Се надевам дека ќе се формира кабинет, бидејќи иднината на Бугарија зависи од предвидлив и стабилен владин кабинет, кој ќе се заснова на стабилно парламентарно мнозинство. Треба да воспоставиме парламентаризам во Бугарија, изјави бугарскиот технички премиер Стефан Јанев, кој го искористи своето право на глас во главниот град, објави БГНЕС.

„Денешниот ден на изборите е уште еден датум на кој ние како граѓани мора да го покажеме нашиот став и одговорност кон изградбата на политичката моќ“, рече Јанев.

„Да не заборавиме дека иднината на земјата, нејзиниот економски развој, нејзините социјални политики и здравствената заштита зависат од нас. Во овој поглед, ги повикувам сите да гласаат масовно, тоа зависи од нашиот глас“, додаде тој.

Јанев изрази благодарност до сите инволвирани во изборниот процес, кој се одвива нормално, но и со мали проблеми што се отстрануваат.

Тој беше категоричен дека привремената влада покажала решеност да се справи со купени гласови.

Денешното гласање ќе биде второ за само три месеци, откако изборите во април резултираа со поделен парламент, кој не успеа да се договори за формирање влада и покажа длабоки поделби во Бугарија околу наследникот на Борисов.

Слични содржини