Јапонија: Повеќе од 100 луѓе се уште се водат како исчезнати, снег и дожд ја отежнуваат потрагата

Спасувачите во Јапонија продолжуваат да се борат со снегот и дождот додека продолжуваат со потрагата по повеќе од 100 лица исчезнати по земјотресот со јачина од 7,6 степени според Рихтеровата скала што го погоди централниот полуостров Ното на Нова година, при што загинаа повеќе од 160 луѓе.

Снегот, исто така, ги попречува напорите насочени кон привремено преместување на погоденото население надвор од префектурата Ишикава, каде што се наоѓа полуостровот Ното, а постои и опасност од ширење на Ковид-19 во пререзервираните центри за евакуација, пренесува агенцијата Кјодо.

Бројот на загинати во земјотресот достигна 161, додека 103 лица се уште се водат како исчезнати, соопшти префектурата на Ишикава.