Јапонскиот премиер Фумио Кишида не е повреден во денешната експлозија, која се случи пред почетокот на партискиот митинг во пристаниште на западот на земјата и тој е евакуиран на безбедно.
Според јапонските медиуми, едно лице осомничено дека ја предизвикало експлозијата е уапсено.
Експлозијата се случи во пристаништето Саиказаки во префектурата Вакајама непосредно пред Кишида да започне говор за поддршка на кандидатот за локални избори на неговата владејачка партија.
Јапонската телевизија NHK јави дека во експлозијата нема повредени и дека јапонскиот премиер по инцидентот бил евакуиран во локалната полициска станица.
Полицијата на лице место уапсила маж за кој веруваат дека ја фрлил експлозивната направа, но не го откриваат неговиот идентитет.
На снимките на јапонската телевизија се гледаат неколку полицајци во униформа и цивилна облека како го соборуваат младиот човек на земја.
Japanese Prime Minister Fumio Kishida was evacuated unharmed after an explosion during a visit at a port. A suspect was apprehended for allegedly throwing the explosive. https://t.co/3xZ0JPewv5 pic.twitter.com/cB7cV05vSd
— ABC News (@ABC) April 15, 2023
Инцидентот доаѓа девет месеци откако поранешниот јапонски премиер Шинзо Абе почина од повреди здобиени во напад додека држеше говор во западниот град Нара.
Денешниот напад се случи во пресрет на локалните избори и изборите за испразнетите места во Долниот дом на Парламентот закажани за 23 април.