Се чини дека ќе носиме маски уште некое време, дека тие не се привремено решение што ќе го заборавиме за еден месец или два, и затоа разни креативци во голема мерка прават мултифункционални модели како комбинација на заштита и мода. Јапонците отидоа чекор подалеку чии пронајдоци се еднакви на научна фантастика.
Рико Каванити од Јапонија беше меѓу првите што призна дека нејзината бисерна маска не дава премногу заштита затоа што е цела со дупки, пишува Њујорк Тајмс.
„Од кога започна пандемијата, скоро никаде не можете без маска. Затоа размислував да направам нешто елегантно “, рече таа.
Освен овој бисер, во светот постојат веќе сите видови на модели, дури и оние кои се целосно иновативни.
Иноваторите во најголем дел планираат маски со моторизирани прочистувачи на воздухот, Bluetooth, но и со средства за дезинфекција кои убиваат вируси со топлина од над 200 степени, а не го загреваат лицето.
Сепак, во Јапонија, маските имаа посебно место уште пред пандемијата – како заштита од полен, грип, несакани погледи од странците…
И додека повеќето сè уште носат ефтини хируршки, побарувачката за поиновативни се зголемува.
Таисуке Оно, кој е на чело на еден водечки технолошки стартап, вели дека доколку луѓето треба да носат маски на сите патувања наредните 10 години, тие маски мора да бидат повеќе од само заштита.
Неговата компанија прави маска која е комбинација на токи-токи, личен асистент и толкувач.
Japanese startup Donut Robotics has invented the ‘c-mask.’ This fits over a standard face mask and connects to a phone or tablet app and can transcribe speeches, make calls and convert Japanese into eight other languages https://t.co/5YN3ea5lTo pic.twitter.com/xhhLLvGEP2
— Reuters (@Reuters) July 1, 2020
„Претходно, никој не би инвестирал пари во ваков проект затоа што не може да се продаде, а сега глобалниот пазар пораснал и тоа неколку пати“, вели Таисуке Оно и додава дека луѓето ќе носат маски од страв дури и откако ќе помине пандемијата на короната.
И, иако не е познато како луѓето би прифатиле вакви пронајдоци, едно е веќе вистински хит – покривање на лицето со ткаенина направена од високо-технолошки материјал кој, според пронаоѓачите, штити и е многу пријатен, па, да речеме, се лади во топлината.
Компанијата Тојошима започна со собирање средства за нова маска од воен најлон и досега собра 1,2 милиони долари. Од оваа компанија велат дека нивните клиенти бараат многу ефикасна маска, што е и моден тренд.
Покрај тоа, маските Uniqlo изработени од материјал за брзо сушење се со голема побарувачка. Тие произведуваат 500.000 пакувања неделно, и планираат да ги продадат во странство. Сепак, на крајот не смееме да заборавиме дека на прво место треба да биде заштитата и дека, ако не можеме да бидеме на безбедно растојание од другите, треба да избереме маска не по убавина, туку од тоа дали може да нè заштити.