Претседателката на Уставниот суд, Добрила Кацарска итно побара воведување на уставна жалба за граѓаните. На денешната годишна прес-конференција, таа посочи дека тоа е еден од заклучоците.
Упати апел до политичарите и политичките партии да им овозможат на граѓаните за сите слободи и права да се обратат до Уставниот суд, наместо правдата да ја бараат во Стразбур, нешто коешто, како што рече, ја чини државата и даночните обврзници парични средства, како и нарушен углед.
-Граѓаните ќе ги препознаат заложбите, затоа што уставна жалба значи дека секој да ги ужива сите права од Уставот и да бара да му се заштитат пред Уставниот суд кога e сторена повреда, без оглед на политичка, етничка или било која друга припадност.
Поддршка добивме од претседателот на државата Стево Пендаровски, а министерот за правда Кренар Лога преку медиумите изјави дека ја поддржува идејата за уставна жалба, рече Кацарска на брифинг со новинарите.