На денешното рочиште за случајот „Рекет“ вокои се презентираат материјални докази, беа покажани фотографии од домот, каде престојувала обвинетата Катица Јанева.
Од домот се одземени предмети и неколку мобилни телефони. Извршен е претрес во домот во Гевгелија, каде е запленет мобилен телефон.
Претрес е извршенo и во канцеларијата на Jaнева. Оттаму се запленети неколку УСБ- иња, лаптоп…
Од домот во Скопје, пак, се пронајдени прибелешки, напишани со пенкало во кои се споменува Бојан Јовановски.
Запленети се лаптоп, мобилни, УСБ-иња, СИМ картички… Запленета е гарнитура, фотељи и дрвена масичка.
Претходно беа прикажани фотографии од станот на Боки 13 во Орман. Станува збор за луксузен мебел, теписи, лустери, украси… На фотографиите се прикажани и нови неотпакувани гарнитура, фотелја, столна ламба.
Фотографии од претресот на фирмата на Јовановски, односно во теливизијата 1ТВ, исто така беа прикажани.
Извршен е претрес и во канцеларијата на првообвинетиот. Таму се пронајдени и одземени документи, договори, „скрин шотови“ од разговори, лаптопи, полнач, уметнички слики итн.
Се презентираа и фотографии од другиот стан на Јовановски на улица Варшавска во скопската населба „Тафталиџе“.
Се гледаа банкноти од по 50 евра, оружје, неколку мобилни телефони
Се покажаа фотографии и од возилото на Боки 13 и сите предмети пронајдени во него. Воедно облеката која е пронајдена во автомобилот заедно со предметите се запленети од страна на полицијата. Станува збор за автомобил марка „Реинџ ровер“.
По презентацијата на материјалните докази од страна на обвинителството, се очекува и одбраната на Боки 13 и Јанева да ги презентира нивните материјални докази.
И.Р.