Поранешниот претседател на Сантош, Марсело Тешеира ги сподели своите сеќавања за детските години на Нејмар кога беше во неговиот клуб. Не е тајна дека, како 14-годишен напаѓач, тој направил некои тренинзи во базата на Реал Мадрид, но потоа се вратил во родната земја, за подоцна да биде купен од Барселона. Во моментов, Неј Џуниор сака да го напушти Пари Сен Жермен и двата шпански колоса се единствените реални дестинации за него во моментов.
„Нејмар беше крајно импресиониран од она што го виде во Реал Мадрид, а клубот сакаше да го земе. Тоа беше во 2006 година“, рече Тешеира за „АС“.
„Бевме во можност да стапиме во контакт со неговиот татко и да склучиме професионален договор, со кој тие требаа да земат 1 милион долари“, продолжи поранешниот бразилски шеф.
„Тие се согласија многу лесно. Сите околу мене ми рекоа дека сум луд, но сите знаевме дека Нејмар е различен. За Сантош беше многу важно да го задржи“, додаде тој.
Во 2013 година, Сантош го продаде талентот во Барселона за над 80 милиони евра. Родителите на Неј земаа бонус од 40 милиони евра, по што предметниот договор е под истрага поради сомнежи за измама.