По 11 години брак, Рис Витерспун и нејзиниот сопруг Џим Тот се разведуваат.
Двојката, која го има 10-годишниот син Тенеси, требаше да ја прослави 12-годишнината од бракот на 26 март. И покрај фактот дека не се знаеше многу за нивниот брак, многу обожаватели сепак беа шокирани кога слушнаа за разводот и нагло шпекулираа што би можело да биде причината. Тогаш извори блиски до парот се огласија за американските медиуми токму на таа тема.
Набргу откако Рис ја сподели веста на Инстаграм, извор изјави за Page Six дека нема голем скандал или драма зад одлуката да се разделат, туку дека романтичните чувства меѓу парот едноставно исчезнале. Друг инсајдер рече дека иако разделбата очигледно била долго време очекувана, Рис и Џим допрва треба официјално да поднесат барање за развод.
Сега доаѓаме до две наводни точки за крај на бракот: Средовечна криза и бизнис вреден 900 милиони долари.
Работите почнале да се влошуваат меѓу сопружниците кога Џим ја напуштил својата позиција во агенцијата за таленти и спорт CAA за да се приклучи на Quibi – мобилна услуга за стриминг која беше исклучена шест месеци откако беше лансирана во 2020 година.
Напуштањето на позицијата во CAA за друга работа било чиста коцка. Во тоа време, Рис го прашала Џим дали сето тоа вреди да се ризикува, но тој рекол дека е „подготвен за предизвикот и уверен дека дома ќе донесе милиони“, изјави извор за Radar Online, сугерирајќи дека сè тргнало на лошо од тогаш.
Друг извор тврдеше дека е семеен пријател на поранешната двојка и го повтори истото, дури и сугерираше дека потегот на Џим е класична средовечна криза што на крајот била одлучувачки фактор за пропаста на нивниот брак.
Изворите ја споменаа и монументалната продажба на продукциската компанија Hello Sunshine во сопственост на Рис Витерспун. Рис стана најбогатата жена во Холивуд откако ја продаде компанијата за неверојатни 900 милиони долари во август 2021 година.
Џим, кој е основачки член на одборот на Hello Sunshine, ја поддржал Рис во нејзината одлука да го продаде бизнисот. Сепак, милионите долари кои ги заработија на крајот ги насочија во различни правци.
Продажбата на компанијата била нешто како момент на проверка за парот, бидејќи тие имале повеќе пари отколку што било кој од нив некогаш мислел дека ќе има.
„Иако Џим помогна да се продаде Hello Sunshine, тој никогаш не одеше на сериозни деловни состаноци со Рис откако компанијата беше продадена. Тој ѝ дозволи да го направи тоа сама и навистина да биде заштитно лице на компанијата“, рекол изворот.
На крајот, нивниот брак не издржа, а покрај смирените изјави на актерката за разделбата, нејзините пријатели тврдат дека сето тоа силно ја погодило бидејќи не очекувала уште еден развод.
Ова беше втор брак на Рис Витерспун. Таа беше во брак и со актерот Рајан Филипе, од кого се разведе во 2006 година, а со кого ги има ќерката Ава и синот Дикон.