Луѓето кои работат или се на отворено во најжешкото време имаат зголемен ризик од дехидрација, поради што е важно да пијат многу течности. Но, колку точно? Еден начин да проверите дали сте дехидрирани е да направите брз тест со стискање на кожата.
Стиснете ја кожата на раката. Кожата со нормална еластичност брзо ќе се врати во својата нормална положба кога ќе се ослободи. Благата дехидрација ќе предизвика бавно враќање на кожата во нормална положба.
Со други зборови, време е за течност. Сепак, постојат подобри показатели дека на телото му е потребна вода.
„Попрво би ја поврзувал дехидрацијата со физички симптоми како што се безволност, главоболка или сува уста“, вели германскиот дерматолог д-р Кристоф Либих.
Причината, објаснува тој, е што кожата не реагира веднаш на недостаток на течност.
„Како дерматолог, секако можам да видам дека на кожата ѝ недостига вообичаениот сјај и влажност“, вели тој, додавајќи дека сепак на лаикот му е тешко да процени.
Во топлите денови, советува Либих, треба да пиете повеќе од препорачаниот минимум еден и пол литар вода дневно.
„Тешко дека можете да испиете премногу“, забележува тој.
Водата е и неговиот омилен начин за разладување. Водата од чешмата ја поминува преку дланките и подлактиците. Тој вели дека тоа е најудобниот начин.
Ако сте надвор во сончеви, топли денови, Либих вели дека најдобро е да бидете под сенка од 11 до 16 часот. Изложувањето на сонце пред и потоа ќе му помогне на телото да произведе доволно витамин Д и ќе го зголеми нивото на „хормонот на среќата“, забележува тој. Кремот за сончање нема да го спречи производството на витамин Д, но ќе го зачува вашето здравје, пишува Zadovoljna.hr.