Вечерва на седница на Централниот одбор се очекуваат финалните одлуки за тоа како ќе изгледа новото раководство на партијата.
Од информациите кои доаѓаат, новиот претседател Димитар Ковачевски ќе прави спој на повеќе генерации партиски членови.
Според информациите речиси половина од Извршниот одбор на СДСМ ќе биде подновен.
Како ќе изгледа новиот СДСМ?
Различни профили на личности, нови лица, општествено познати, докажани во своата област, но и спој на повеќе генерации партиски членови.
Ковачевски ги внесува Мишко Ралев, декан на Факултетот за архитектура и дизајн, се уште актуелен претседател на Асоцијацијата на архитекти и Леонид Наков, професор на Економскиот факултет во Извршниот одбор на партијата.
Искусните генерации партиски членови и спојувањето на различните крила во партијата се гледа преку најавеното враќање на доктор Андреј Петров и Игор Ивановски (Шема), универзитетски професор, но и преку назначувањето на Миле Зечевиќ за генерален секретар на СДСМ.
На потпртседателските позиции исто така се очекуваат промени.
Вицепремирот Фатмир Битиќи, градоначалникот на Валадново Петар Костадинов, пратеничката од Битола Бисера Костадинова Стојчева како и и Стефан Богоев, поранешниот градоначалник на Карпош се споменуваат како најсигурни кандидати за потпретседатели на СДСМ.
На седницата на Централниот одбор се очекува Ковачевски да биде потврден како мандатар.
Социјалдемократите очекуваат промените во раководство на партијата да донесат нова енергија, свежина, реструктуирање и раздвижување во партијата.