Нејмар, освен што е врвен фудбалер, е спортист кој важи за голем хедонист. Познати се неговите „навики“ дека секоја година има здравствени проблеми во периодот кога е познатиот карневал во Рио. Некој кој често сам прави куќни забави, меѓутоа, за да ги побие сите мислења дека живее неспортски живот, беше искрен во тврдењето дека излегува само кога не тренира.
Тој во интервју за каналот „Фуи Клир“ на „Јутјуб“ постави реторичко прашање: дали може 12 години да води неспортски начин на живот?
„Зборувам за почит. Луѓето велат: „Ах, Нејмар не се грижи за себе, Нејмар ова, Нејмар она“. Како тогаш да издржам 12 години на врвот ако не се грижам за себе? Никој не може да ми го објасни тоа“, истакна Нејмар.
Бразилскиот ас е свесен за своите навики и потребата од ноќно излегување.
„Излегувам кога можам, кога е можно, кога знам дека утре немам тренинг. Нема ни да престанам. Што е проблемот? Судете ме врз основа на она што го правам на терен. Критикувајте ако е потребно. Но, што правам јас надвор од теренот?“, се пожали Нејмар, веројатно несвесен за фактот дека како јавна личност мора да се грижи што прави и кога е во „граѓанска облека“.
„Не бев во право. Би променил многу за да можам да го вратам времето назад. Но, полека достигнувате зрелост. А и на 30 години не сум созреал целосно“, искрен е фудбалерот на Пари Сен Жермен.