Францускиот град Кан забрани одење на плажа во буркини, костим за капење кои го покрива целото тело, соопштија локалните власти.
Градоначалникот Давид Лиснард ја потпишал одлуката во која се наведува дека пристапот на плажите им се забранува на сите кои не носат костим за капење и кои не ги почитуваат добрите обичаи и секуларноста, што е еден од основните принципи на Републиката.
„Носење костим за капење кој прикажува верска припадност, во момент кога Франција и светилиштата се мета на терористички напади, може да доведе до нарушување на јавниот ред и треба да се спречи“, се наведува во одлуката.
Градскиот претставник, Тијери Могул рече дека градските власти не забрануваат носење на верски обележја на плажа, но оти „облека која симболизира посветеност на терористичките движена“ е неприфатлива.
Безбедносните мерки во Франција се подигнати на највисоко ниво после серијата терористички напади.