Среде контроверзни обвинувања против водителката Елен Дејџерис, Кети Пери стана една од ретките поп sвезди кои дадоа поддршка за нејзината славна пријателка.
„Знам дека не можам да зборувам за никого, но кога станува збор за мене, секогаш добивав само љубов од Елен. Не смееме да заборавиме дека Елен изминативе децении беше глас на толеранција и љубов. Ја испраќам целосната поддршка на мојата пријателка“, напиша Кети на Твитер.
Таа е една од ретките што јавно ја поддржуваше Елен. Покрај неа, тоа го сторија само индустрискиот менаџер Скутер Браун, инаку познат како менаџер на поп-sвездите Џастин Бибер и Ариана Гранде, кои исто така, како Пери, напишаа дека неговата соработка со Елен отсекогаш била прекрасна.
Потсетуваме, Елен, водител на омилено шоу и една од најголемите телевизиски sвезди во САД, беше критикувана по откритието дека во нејзиниот тим има токсична атмосфера и култура на злоупотреба и вознемирување, што се претвора во друг скандал #MeToo.
Во пораката што им ја испрати на вработените минатата недела, Елен рече дека има намера да ги реши сите проблеми и додаде дека не може секогаш да ги држи сите жици во рацете, така што се потпира на другите да ја вршат работата за којашто беа задолжени.
„Но, јасно е дека некои не“, напиша Деџенерис.
„Тоа ќе се промени и таквите работи нема да се случат повторно“.
Порталот „BuzzFeed“ разговараше со 36 вработени во Елен кои се пожалија на вознемирување, навреди и напади. Некои обвинувања исто така се однесуваат на сексуална злоупотреба на која биле изложени вработените од понизок ранг, од кои исто така биле побарани сексуални услуги.
Telepictures, кои го продуцираат шоуто на „Елен Деџенерис“, издаде изјава во која се вели дека е „разочаран од првичните наоди на истрагата, кои покажаа недостатоци во секојдневната работа и третманот на вработените“.