Легендарниот дефанзивец Џорџо Киелини беше шокиран по поразот на италијанската репрезентација од Македонија во полуфиналето од баражот за Светското првенство.
Македонците славеа во Палермо со голот на Александар Трајковски, а „Азурите“, актуелниот европски првак, вторпат по ред остана без виза за Мундијалот.
„Ова е големо разочарување за нас. Пропуштивме многу шанси, одигравме солиден натпревар. Горд сум на моите соиграчи“, истакна Киелини и продолжи:
„Уништени сме. Се надевам дека Манчини ќе биде тука во иднина“.
Искусниот фудбалер се уште не знае дали поразот од Македонија е негово збогување од репрезентацијата.
„Не е време да кажам дека ова е мојот последен натпревар во националниот тим“, додаде Киелини.
Во финалето од плеј-офот на 29 март Македонија ќе се сретне со Португалија, која синоќа ја совлада Турција со 3-1.