Како „стои“ кинеската економија годинава?
Со последните евидентирани бројки, прашање е дали БДП на земјата може да порасне за 5%, како што се предвидува. Додека продолжува да се сопнува на патот кон економското закрепнување, Кина се подготвува за конкретни потези.
Најпрво таа најавува низа даночни олеснувања и посилно кредитирање на малите бизниси, што се први показатели за посилна посветеност на кинеските власти.
Економистите очекуваат дека Пекинг ќе ја намали референтната каматна стапка за прв пат по речиси една година, по изминатите неколку месеци кои донесоа лоши бројки. Во вторникот, се потсетува, беше намалена каматната стапка за банките на краткорочните извори на средства, со цел да се поттикне ликвидноста на финансискиот сектор.
Шест од најголемите кинески кредитори ги намалија каматните стапки на депозитите минатата недела.
И покрај се, многу експерти се на мислење дека ќе бидат потребни посилни мерки за заживување на кинеската економија, која долго време беше натежната од не толку добрата состојба во секторот недвижности.
Потоа, трговијата ослабе, а невработеноста кај младите е на рекордно ниво. Следствено, се губи и оптимизмот.
– Тоа не е доволно. Вистинската причина за слабиот раст не се високите каматни стапки. Повеќе се работи за самодоверба во иднината – изјави главниот економист за Кина, од финансиската компанија „Номура“, осврнувајќи се на очекуваното намалување на стапките.
Инаку, поминаа години откако втората по големина светска економија се откажа од т.н политики за „нулта ковид“. Пекинг не посегна по фискални или монетарни стимулации, како повеќето земји, но затоа денес нема проблем со инфлацијата.
– Мислевме дека по отворањето, по ситуацијата со короната, работите ќе бидат многу подобри, но сега не е така. Што и да се случило во последните три години, очигледно го намалило расположението на луѓето – вели Жу Тијан, професор по економија на меѓународната бизнис школа China Europe во Шангај.
Во средината на 2020 година, Кина доживеа пораст на цените на недвижностите и акциите, што ги узурпираше регулаторите. А потоа дојде до криза во целиот сектор, по што следеа стечај на софтверски компании и стопирање на градежната активност.
За разлика од САД и Европа, кои даваа директни стимулации за граѓаните и бизнисите, Кина се сврте кон масовно тестирање и карантин, што во исто време го задуши економскиот раст на земјата, пишува ФТ.
Расплетот на состојбите со пазарот на недвижности се уште се очекува, бидејќи продажбата на нови куќи во 30 големи градови се уште е на 75 отсто од нивото пред пандемијата.
Забележано е и дека на почетокот на 2020 година кинеската централна банка ја намали основната среднорочна каматна стапка, од 3,3 отсто на 2,95 отсто, а оттогаш на 2,75 отсто.