„Гоустинг“ е модерен термин кој опишува ситуација во која некој одеднаш и без никакво објаснување ја прекинува сета комуникација со некој со кој претходно бил во контакт. Иако овој феномен најчесто се поврзува со современите начини на комуникација, како што се социјалните мрежи или апликациите за запознавање, „гоустинг“ може да се појави и во секојдневниот живот – помеѓу пријателите, семејството, па дури и деловните партнери.
Додека некои луѓе го практикуваат ова затоа што сакаат да избегнат конфликти и непријатни ситуации, други го прават тоа затоа што може да се чувствуваат преоптоварени или несигурни. Во продолжение дознаваме кои хороскопски знаци според астролозите се најмногу склони кон оваа практика:
Водолија
Водолиите се познати по својата независност и потреба за слобода. Ако се чувствуваат заробени или како некој да ги гуши, тие имаат тенденција да се повлечат без никакво објаснување. Ненадејното повлекување е нивниот начин за ослободување од стресот и притисокот.
Скорпија
Длабоко емотивни и интензивни, Скорпиите ќе се повлечат ако се чувствуваат повредени или изневерени. Наместо да се соочат со проблемот, тие често избираат тивко да си заминат за да го заштитат своето срце.
Близнаци
Близнаците знаат да бидат непредвидливи и променливи. Ако чувствуваат дека врската со некого повеќе не е возбудлива, тие едноставно можат да исчезнат без никакво известување.
Овен
Овните се импулсивни и не сакаат да губат време. Ако почувствуваат дека нешто не е во ред или дека искрата ја нема повеќе, можат брзо да ги прекинат сите контакти без многу објаснување.
Риби
Иако Рибите се длабоко емотивни и сочувствителни, тие исто така имаат тенденција да бегаат од проблемите. Ако се чувствуваат како некој да ги гуши, може да се повлечат во својот внатрешен свет за да ја избегнат реалноста.