Кластер во Австрија: Седум проститутки ширеле корона

од Vladimir Zorba

Сите еротски танчери во ноќен клуб во австрискиот Винер Нојштад биле заразени од ноќна дама која се враќала дома од Романија, пренесуваат австриските медиуми.

Досега се знае дека таа заразила седум колешки, а по нивните клиенти се уште се трага, а не се знае колку луѓе се заразени и колку ќе треба да се изолираат.

Канцеларијата на државниот советник за здравство, Улрике Кенигсбергер-Лудвиг вели дека се работи за проститутки кои ширеле корона.

Тие посочија дека имаат одлична соработка со ноќниот клуб во потрага по можни заразени клиенти. Додаде дека имале добра листа на контакти, но клубот бил затворен до понатамошно известување со одлука на сопственикот.

Инаку, Австрија се соочува со четвртиот бран. Во последните 24 часа, регистрирани се 2.624 нови случаи на заразени со „Ковид 19.“ Слична бројка последен пат беше регистрирана на 15 април.

Во истиот период, седум лица починаа од последиците од коронавирусот, а 825 лица се во болница.

Виена во моментов е најтешко погодена. Потоа следуваат Горна Австрија, Салцбург и Долна Австрија, а најмалку случаи се регистрирани во Бургенланд и Каринтија.

Околу 60 проценти од населението ги прими и двете дози на вакцината, а владата се надева дека ќе достигне 80 проценти.

Слични содржини