Кога би го поставиле прашањето во насловот, одговорот на мнозинството веројатно ќе биде Америка. Факт е дека Соединетите држави растат, а не на добар начин. Според Центрите за контрола и спречување на болести, во 1999 година, 30,5 проценти од Американците биле дебели, а податоците од февруари 2020 година покажуваат дека 42,4 проценти од возрасната популација во земјата го има проблемот.
Но, Американците не се единствените. The New England Journal of Medicine во 2015 година објави дека 107,7 милиони деца ширум светот биле квалификувани како дебели, како и 603,7 милиони возрасни. Но, повеќето, на изненадување на многумина, не доаѓаат од Соединетите држави.
Според податоците за 2016 година од Central Intelligence Agency’s World Factbook, нациите со најголема стапка на дебелина доаѓаат од Јужниот Пацифик. Науру е на врвот со 61 процент од возрасни дебели. По нив следуваат островите Кук со 55,9 проценти, Палау со 55,3 проценти, Островите Маршал со 52,9 проценти. Самоа е осма на списокот со 47,3 проценти. Кувајт се најде на 11-то место, а потоа следат САД, Јордан, Саудиска Арабија и Катар.