Судот во Минск одлучи членот на претседателството на Координативниот совет на белоруската опозиција, Марија Колесникова, да остане во притвор, а таа е обвинета за кривично дело повикување на преземање на власта во земјата. Неколку лидери на опозицијата побегнаа од Белорусија, а Марија Колесникова е единствената од основачите на Координативниот совет што остана во Белорусија.
Нејзината адвокатка Људмила Казак изјави дека притворот на Колесникова е продолжен до 8 ноември, објави „Спутник“.
Колесникова пред истражниот судија изјавила дека е подготвена да сведочи дека тие насилно се обиделе да ја протераат од Белорусија, а таа исто така опиша што навистина и се случило.
Таа побара да се поведе кривична постапка против припадниците на КГБ на Белорусија и Генералниот директорат за борба против организиран криминал и корупција врз основа на кривичните дела „киднапирање, незаконско лишување од слобода, закана за убиство“.
Таа беше приведена ноќта помеѓу 8 и 9 септември, кога уште двајца членови на Координативниот совет успеаја да побегнат во Украина.