205
Колорадо Аваленч се нови шампиони во НХЛ! Тимот од Денвер стигна до титулата по 21 година чекање со триумф во шестиот натпревар од финалето против Тампа Беј (2:1) и го освои Купот Стенли со вкупен резултат 4:2.
„По повеќе од 20 години чекање, сонот се оствари. Ова е неверојатна група на момци, од врвот на организацијата до физиотерапевтите и нашите сопруги и обожаватели. Прекрасно е чувството да се биде на врвот на планината“, изјави капитенот Габриел Ландески.
Канадскиот дефанзивец Кајл Макар беше прогласен за најкорисен играч во финалето, станувајќи само третиот одбранбен играч кој е носител на МВП титулата.
Финалната серија ја заврши со три гола и четири асистенции.