80
Комисијата за надворешни работи на Претставничкиот дом денеска гласаше „за“ усвојување на нацрт-закон со кој на претседателот Џозеф Бајден ќе му се даде овластување да ја забрани апликацијата и социјалната мрежа TikTok во САД.
Комитетот гласаше со 24 наспрема 16 за да ја одобри мерката што ќе и даде на администрацијата на Бајден овластување да го забрани TikTok, кој е во сопственост на кинеската компанија ByteDance и се користи од повеќе од 100 милиони Американци, како и други апликации за кои се верува дека претставуваат безбедносни ризици, пишува Ројтерс.
Демократските претставници во Комитетот се спротивставија на овој предлог-закон, чиј главен спонзор беше претседателот на републиканскиот комитет Мајкл Мекол.