Премиерот на Косово Албин Курти денеска го разреши министерот за внатрешни работи Агим Велиу од Демократскиот сојуз на Косово (ДСК), член на владејачката коалиција.
Вељиу беше разрешен поради приговор на ставот на Курти за воведувањето вонредна состојба, што инаку го бара Хашим Тачи, претседател на Косово.
Во изјавата за разрешувањето, Курти рече дека отпуштениот министер ширел паника, кој тврдел дека бројот на лица кои страдаат од коронавирус на територијата на Косово се зголемувал од час во час, што ниту една надлежна институција не го потврдила.
Сепак, според приштинскиот портал Љајми, Велиу всушност се спротивставил на опозицијата на Курти за воведување вонредна состојба. Вељиу, рекол дека треба да се донесе одлука за вонредна состојба и покрај противењето на премиерот.
– Не е време за каприциозност и чие мислење ќе се почитува, затоа што сите сме во служба на Косово. Да, потребно е да се прогласи вонредна состојба – рече Велиу.