Косчелни за кризата во Арсенал: Тешко е да се каже кој ја носи вината

Дефанзивецот на Арсенал, Лоран Косчелни повика на единство во тешкиот за клубот период во кој „топџиите“ наредија куп порази во сите натпреварувања.

„Ние носиме своја одговорност на теренот и сме должни да бидеме заедно со нашиот менаџер. Тешко е да се каже кој е виновен – Венгер или ние. Во моментов сопствениците на клубот знаат најдобро од сите што му е потребно на тимот. Венгер е во Арсенал веќе 20 години, тој секогаш го сакал овој клуб“, рече Французинот.

„Неопходно е да останеме обединети во овој сложен период. Секој кој е поврзан со Арсенал – играчи, персонал и фанови да се обединат. Треба да се бориме до крај“, додаде тој.