Дистрија Красниќи го освои сребрениот медал во џудо за Косово на Олимписките игри во Франција.
28-годишната Косовка беше поразена во финалето до 52 килограми од Дијора Келдијорова од Узбекистан.
Бронзен медал освои Амандин Бушар од Франција.
Честитки стигнаа и од косовскиот премиер Албин Курти.
„Нема помоќна порака од тоа кога талентот, посветената работа и истрајноста блескаат на највисоката сцена“, порача Курти.
Kosova has won its first medal at the @Paris2024, brought to us by our exemplary judoka, Distria Krasniqi. This silver medal is her second Olympic medal. There isn't a more powerful message than that talent, hard work, and perseverance equate to shining on the highest of stages. pic.twitter.com/XBL99szpts
— Albin Kurti (@albinkurti) July 28, 2024
Инаку, ова е четврти олимписки медал за земјата која е самостојна само 16 години.
Првиот златен медал за Косово во 2016 година во Рио го освои Мајлинда Келменди во категоријата до 52 килограми. Красниќи (48 кг) го освои златото на последните Летни игри, како и Нора Ѓакова (57 кг).