Ковачевски, Димовски и Трајковска со кренати раце го поздравија покачувањето на минималната плата

од Nikola Popovski

По завршувањето на својот говор, претседателот на ССМ, Дарко Димовски побара една заедничка фотографија со премиерот Димитар Ковачевски и претседателката на Организацијата на работодавачи, Владанка Трајковска.

-Извинете што сум вака премногу емотивен, но ова доаѓа после тешка и егзистенцијална борба. Денеска сите сме победници и нема незадоволни. Ова беше тежок период. Се убедувавме и исходот го гледате. 100 проценти реализација на тоа што му е потребно на работникот. Благодарност до премиерот и претседателката на работодавачите. Ова е фотографија за работодавачите, порача Димовски на прес-конференцијата во Владата.

Со денешната одлука на Економско-социјалниот совет, 80.000 работници во различни индустрии од мартовската плата ќе земаат најмалку 18.000 денари. Оваа сума, означува раст на нето платата на овие работници за околу 45 евра месечно.

 

Слични содржини