Ковачевски: Ги повикувам тетовчани да го дадат својот глас за листата на СДСМ

Сакам да ги повикам тетовчани да го дадат својот глас за листата на СДСМ, за листата на советници со носителот Глигорије Стојановски кој е докажан заедно со другите советници кои се угледни и препознаени имиња и подготвени да го дадат својот максимум за Тетово, кажа лидерот на СДСМ, Димитар Ковачевски.

„Тоа се чесни, работливи, одговорни луѓе, ваши комшии кои знаат сè што му е потребно на Тетово. Повеќе зеленило, почиста општина, целосна гасификација, надминување на проблемите со водоснабдувањето, но и нов економски развој и подобри услуги што ќе ги нуди општината на граѓаните. Сето ова преку конкретни проекти е наведено во програмата со која кандидатите на СДСМ излегуваат на овие избори“, рече Ковачевски.