Драмата на Карим Бензема со Ал-Итихад се чини дека е завршена откако напаѓачот конечно продолжи со тренинзите со тимот. Неколку недели францускиот напаѓач не беше со соиграчите откако беше суспендиран кон средината на јануари поради неговото доцнење на почетокот на тренинзите помеѓу двата дела од сезоната.
Поранешниот освојувач на „Златната топка“ се правдал дека поради невреме не можел навреме да се врати од одморот во Маурициус. Тогаш стана јасно дека Бензема сака да си замине, но не можеше да го стори тоа. Во меѓувреме, тој исто така не беше земен за кампот на тимот во Дубаи.
Ал-Итихад на крајот објави кратко видео од нивниот стадион во понеделникот на кое може да се види поранешниот играч на Реал Мадрид.
— ITTI MANIA – اتي مانيا (@IttiMania) February 5, 2024