Едното крило на Алијансата за Албанците, предводено од Арбен Таравари ја обвини Владата дека продолжува со етничка диференцијација и сегрегација против Албанците. Ова се однесува на меѓународните признанија за спортистите од земјава кои беа доделени вчера.
„Премиерот на Република Македонија, Христијан Мицковски, заедно со министерот за спорт Борко Ристовски, доделија десетици признанија на истакнати спортистки, меѓу кои нема признание за Албанците спортисти.
Оваа одлука на Министерството за спорт заедно со Владата уште еднаш ја истакнува ароганцијата и албанофобијата кон албанските спортисти со дискриминација врз етничка основа на многу албански спортисти кои го подигнаа локалниот спорт на пиедестал.
Ја потсетуваме локалната јавност, како и министерот за спорт Ристовски, но и премиерот Мицковски, дека многу албански спортисти ја направија Македонија позната на меѓународната спортска сцена, особено со истакнати спортисти кои освоија медали на Олимписките игри и европските и светските првенства, како што се борачи кои блескаа со тоа што беа одликувани со многу медали, како што се Шабан Сејдиу, Шабан Терстена итн.
Многу албански спортисти се истакнаа и во многу други спортови во бокс, карате, скијање, одбојка итн.
Вреди да се споменат имињата на албанските фудбалери, членови на репрезентацијата на Северна Македонија кои исто така се истакнаа на домашни и меѓународни натпревари“, порачаа од крилото на Таравари.