Најмалку 113 лица загинале, а 150 се повредени во пожар што избувнал на свадба во северен Ирак.
Стотици луѓе биле на венчавка во Ал-Хамданија, провинцијата Ниневија, кога во вторникот доцна вечерта избувнал пожар и го зафатил местото каде се одржувала прославата, информира Ројтерс.
Заменик-гувернерот на Ниневија Хасан ал-Алак изјавил дека досега е потврдена смртта на 113 лица.
Соопштено е дека пожарот избувнал во вторникот вечерта околу 22:45 часот по локално време.
Video shows the moment fire broke out in a weeding in Hamdaniyah
110 dead including bride and groom
550 injured #Iraq #Hamdaniyah #Fire pic.twitter.com/y3k4aiRvbM
— North X (@__NorthX) September 27, 2023
Причината за пожарот се уште не е утврдена, но првичните информации укажуваат дека пожарот настанал по палењето на огнометот.
Првичните извештаи на ирачките медиуми изјавија дека и невестата и младоженецот загинале во пожарот, но новинската агенција Нина подоцна објави дека тие преживеале, но се во болница со голем број изгореници.
🚨 BREAKING: More than 500 injured, 100 killed in wedding hall fire in Iraq. pic.twitter.com/GnHCXjtehG
— {Matt} $XRPatriot (@matttttt187) September 27, 2023
На фотографијата објавена од агенцијата се прикажани десетици пожарникари кои се борат со огнот, а сликите на локалните медиуми објавени на социјалните мрежи покажуваат јагленисани остатоци во салата каде се одржувала прославата.
„Пожарот доведе до уривање на делови од салата за славење, бидејќи салата беше изградена од многу запаливи, евтини градежни материјали, кои се урнаа за неколку минути по пожарот“, соопшти ирачката управа за цивилна одбрана.
Државната новинска агенција ИНА наведува дека најмалку 100 лица загинале, а 150 лица се повредени.
Сите повредени се префрлени во болниците низ провинцијата, изјавил гувернерот за ИНА и предупредил дека бројот на загинати и повредени не е целосно утврден и може да се зголеми.