Руската државна телевизија го нападна Евгениј Пригожин, прогонетиот водач на „Вагнер“, кој минатиот месец започна вооружен бунт, и рече дека истрагата за тоа што се случи сè уште енергично се води.
Пригожин, основач на платеничката група „Вагнер“, ја презеде контролата врз јужниот руски град Ростов на Дон на 24 јуни, зазеде команден центар таму каде Русија ја координира својата војна во Украина и испрати колона борци кон Москва пред да се откаже, по склучувањето договор со Кремљ.
Неговиот бунт претставува најголема закана за претседателот Владимир Путин откако рускиот лидер дојде на власт пред повеќе од две децении и го принуди Кремљ да започне да ја ограничува штетата и да ја нагласи лојалноста на вооружените сили и единството на општеството соочен со предавство.
Според договорот со кој заврши бунтот, Пригожин, чија цел беше да ги собори министерот за одбрана и началникот на Генералштабот поради, како што наведе, нивното некомпетентно водење на војната, треба да се пресели во соседна Белорусија. Во замена ќе биде отфрлена кривичната пријава против него.
Video pertaining to the search of Yevgeny Prigozhin's properties: pic.twitter.com/AAazPzx1MC
— Julia Davis (@JuliaDavisNews) July 5, 2023
Објавени снимки од рацијата
Но, програмата наречена „60 минути“ емитувана во средата навечер на државниот ТВ канал Росија-1 го покажа она што беше наведено како ексклузивна снимка направена за време на полициските рации во канцеларијата на Пригожин во Санкт Петербург и еден од неговите имоти во тој град.
Водителот на програмата, Евгениј Попов, го нарече Пригожин „предавник“, а видеото го презентираше специјално поканет гостин – новинарот Едуард Петров – како доказ за криминалното минато на Пригожин и лицемерието во прозивките за корупција во вооружените сили.
На снимката се гледаат кутии полни со готовина во неговата канцеларија и парчиња долари во неговата луксузна резиденција, заедно со, како што се вели, неговиот личен хеликоптер, складиште за оружје, колекција перики, комплетно опремена сала за медицински третмани.
— Julia Davis (@JuliaDavisNews) July 5, 2023
„Никој не планираше да го затвори овој случај. Истрагата е во тек“, рече Петров, кој рече дека истражителите заклучиле дека видеото што го користел Пригожин како изговор за започнување на бунтот, на кое се гледа наводен руски напад врз платенички камп, е лажно.
Прикажани се слики од вооружени руски службеници кои влегуваат во канцеларијата на Пригожин, пренесува „Хина“.
„Верувам дека создавањето на имиџот на Евгениј Пригожин како национален херој го создадоа медиумите хранети од Евгениј Пригожин“, рече Петров, мислејќи на медиумите финансирани од Пригожин. „Откако не успеа, брзо се затворија и побегнаа“, додава тој.
Тој рече дека во становите и канцелариите на Пригожин биле пронајдени пари во вредност од 600 милиони рубли (6,58 милиони долари). Пригожин рече дека „Вагнер“ работи само со готовина, која ја користел за да ги плаќа трошоците. Путин рече дека државата го финансира „Вагнер“.
Meanwhile in Russia: photos from the search of Yevgeny Prigozhin's properties are published by the media (thread) ⤵️ pic.twitter.com/cWawLBAUWo
— Julia Davis (@JuliaDavisNews) July 5, 2023
Во емисијата беа прикажани бројни пасоши што ги користел Пригожин и со различни имиња.
„Не е можно нормален човек да има толку пасоши. Зошто овој човек имал толку чудни овластувања како сериозен водач на некаква криминална група“, праша Петров.
„Мораме да откриеме кој беше на чија страна (во бунтот). Мораме да ги казниме и гониме“, додаде тој.