Рускиот министер за надворешни работи Сергеј Лавров ќе се сретне со турскиот министер за надворешни работи, Мевлут Чавушоглу во недела, на 16 февруари, во Минхен, на маргините на Конференцијата за безбедност, јавија денеска руските медиуми.
Министерството за надворешни работи на Русија го критикуваше синоќа соопштението на Анкара, за ситуацијата во сириската провинција Идлиб.
Кремљ ја обвини Турција, претходно оваа недела, дека не го почитува договорот постигнат со Русија за неутрализирање на милитантите во сириската провинција Идлиб и за продолжување на нападите врз сириските и руските сили во регионот.
Русија постигна договор со Турција во 2018 година за создавање демилитаризирана зона во Идлиб, но тие договори и други аранжмани се сомнителни поради зголемените тензии во регионот.
Москва ги даде коментарите откако турскиот претседател Реџеп Таип Ердоган им рече на членовите на неговата партија АК во Анкара дека турската војска ќе пука врз сириските државни сили од воздух или копно, ако уште еден турски војник е повреден.