Тврдењата на американскиот претседател Џозеф Бајден и шефот на Пентагон, Лојд Остин, дека Русија, наводно, ќе гаѓа цели на НАТО веднаш по победата во Украина, ја покажуваат „очајната“ позиција во која се наоѓаат, изјави рускиот министер за надворешни работи Сергеј Лавров.
„Тоа е чиста глупост, особено изјавата на Бајден дека САД мора да се борат до последниот Украинец затоа што наводно знаат дека (рускиот претседател Владимир) Путин веднаш ќе ги нападне балтичките земји, Финска и другите членки на НАТО по победата во Украина“, посочи Лавров за Канал 1.
Тој додаде дека Западот ја разбира залудноста од обидот да се уништи Москва како независен играч на меѓународната сцена, пренесува ТАСС.
„Многумина беа убедени дека колку е посилна, поширока и поразновидна економската база, толку помали се шансите за односи на Русија со Западот, односно дека некогаш ќе дојде во конфликт. Сепак, Западот не се двоумеше во обидот да ја постигне својата главна цел, која сега е сосема јасна – да ја уништи Русија како независен играч на меѓународната сцена“, изјави шефот на руската дипломатија.
Лавров нагласи дека Западот сега ја разбира залудната природа на оваа цел, но дека тоа не може да се каже директно поради ризикот нивните лидери „да го загубат образот и угледот“ во очите на гласачите, пишува ТАСС.