Лос Анџелес Лејкерс го претрпе вториот последователен целосно изненадувачки пораз, а Лука Дончиќ уште еднаш не успеа да блесне. Неговиот предводник во соблекувалната Леброн Џејмс знае зошто стартот е толку тежок за Словенецот.
По поразот од Јута Џез, Лејкерси синоќа беа шокантно поразени од Шарлот Хорнетс. Тоа беше можност за навивачите на Лејкерс повторно да го видат Лука Дончиќ во дресот на тимот, но натпреварот не понуди вистинска слика за словенечкиот кошаркар.
Откако дојде во Лејкерс, Дончиќ игра навистина скромно. Сепак, тој штотуку се опорави од тешката повреда, па донекаде е разбирливо зошто побавно влезе во приказната со Лос Анџелес.
Токму таков е ставот на Леброн Џејмс. Соодветно постапи лидерот во соблекувалната на Лејкерс кој по натпреварот застана во одбрана на Дончиќ и откри зошто имал толку лош старт со овој клуб.
„Тој сè уште не ги знае нивоата и системите на нашата игра, не ги знае сите детали во одбраната и покривањето. Не ги знае сите сигнали и работи што ги изградивме од септември. Значи, очигледно се обидуваме да изведеме сè на брзина со него. Тој се врати од повреда, се враќа во форма. Работиме на тоа“, рече Леброн по натпреварот синоќа.
Инаку, Дончиќ забележа 14 поени, 11 скока и осум асистенции, но поради загубените топки и промашувањата, јасно е дека тоа е далеку од нивото на кое Словенецот не навикна во текот на седумте сезони во НБА.
Нема одмор за Лејкерси бидејќи утре ќе гостуваат кај Портланд Трејл Блејзерс, а во недела навечер и кај Денвер Нагетс.