Дали чувате чаша вода на вашата ноќна маса за да не мора да го напуштате вашиот пријатен, топол кревет во текот на ноќта?
Сепак, се испостави дека пиењето премногу вода пред спиење не е толку добра идеја – тоа всушност може да влијае на квалитетот на вашиот сон. Но, колку вода е премногу? И кое е точното време кога треба да ја испиете последната чаша вода пред спиење?
Сертифициран психолог и лекар за спиење, д-р Шелби Харис, открила за Mind Body Green колку е навистина важна хидратацијата пред спиење.
Односот помеѓу хидратацијата и спиењето е необичен. Недостатокот на течности може да влијае на квалитетот на сонот, но како што забележува д-р Харис, недостатокот на сон може да доведе до несоодветна хидратација.
Студијата од 2019 година дури покажа дека возрасните кои спијат малку (шест часа или помалку) исто така имаат неоптимално ниво на хидратација, додека пиењето премногу течност може да доведе до повеќекратно одење во тоалет, што значи повеќе прекини во спиењето во текот на ноќта.
Кога треба да престанете да пиете вода пред спиење?
Колку време е потребно од нашата последна чаша вода до легнувањето на спиење? На крајот на краиштата, точната временска разлика е различна за секој од нас. Харис предлага да го следите внесот на течности во текот на денот за да измерите колку навистина треба да се хидрираат пред спиење.
„Некои луѓе не пијат доволно вода во текот на денот, па затоа се многу жедни навечер“, вели таа, додавајќи дека „тие пијат една или две чаши вода пред спиење, а тоа е проследено со често мокрење во текот на ноќта“.
Таа ги охрабрува луѓето да се обидат да се хидрираат во текот на денот за да не мора да ја надополнуваат таа течност навечер.
„Урологот Ванита Сима-Чианг препорачува да ја пиете последната голтка вода три до четири часа пред спиење“, додаде д-р Харис.
Секако, не треба целосно да го фрлате шишето со вода од спалната соба, доколку сте екстремно жедни, треба да испиете голтка вода. Освен тоа, некои луѓе навечер земаат лекови или витамини, за кои обично се потребни неколку голтки вода.
Д-р Харис се согласува: „Тоа е во ред, но обидете се да го ограничите внесот на вода дури и тогаш на само неколку голтки“.
Повторно, не заборавајте да дадете приоритет на соодветна хидратација во текот на денот, нагласува докторката.
„Ги охрабрувам сите да го започнат денот наутро, ако имале тешка ноќ, со голема чаша вода“, вели Харис. Таа секогаш наутро пие вода со парче лимон.