Лига куп: Одложен мечот помеѓу Арсенал и Ливерпул

ПРВИОТ НАТПРЕВАР од полуфиналето на англискиот фудбалски Лига куп помеѓу Арсенал и Ливерпул, кој требаше да се одигра во четврток во Лондон, е одложен поради зголемениот број на заразени со коронавирус во Ливерпул.

„Црвените“ побараа одложување во вторникот, а во средата англиската фудбалска лига (ЕФЛ) го исполни.

Така, првиот натпревар од оваа двојка ќе се одигра на 13 јануари во Ливерпул, додека реваншот на 20 јануари во Лондон.

Втората полуфинална двојка ја сочинуваат Челси и Тотенхем кои првиот меч ќе го одиграат вечерва, а реваншот на 12 јануари.