Локализиран е пожарот покрај пругата Скопје-Велес

Вечерва во 17:00 часот целосно е локализиран големиот шумски пожар кој трет ден беснееше над железничката станица „Рајко Жинзифов“ на теренот во правец на селата Белештевица и С`лп.Во пожарот изгореа над 200 хектари ниско стеблеста дабова шума.

Во гаснењето на пожарот денеска 11 часа од утрово од 6:00 до вечерва до 17:00 часот беа вклучени девет пожарника од ТППЕ Велес, 10 вработени од Дирекцијата за заштита и спасување и пет вработени во Шумското стопанство „Бабуна“.

Пожарот беше пријавен во ТПП Велес во петокот во 13:10 часот, а изгаснат е вечерва по 52 часа .

За сега не се откриваат детали околу причините на пожарот, но надлежните институции се сомневаат дека причинител е човечки фактор како и кај останатите пожари.